متي يبدأ طفلي في الأكل وما الاكل المناسب

الاكل المسموح للطفل في اول 4 شهور لبن الام او اللبن الصناعي 1 ده المسموح للطفل في هذة الفترة من عمره ولا ينصح بادخال اي مواد صلبه او سوايل حتي الماء لا ينصح به الا في حالة الحر الشديد مع جفاف الطفل يضع رشفات.

امته اعرف ان ابني مستعد للاكل وما الاكل المناسب ؟
لما يبدا يتحكم في صلب راسه كويس متتطوحش ويقعد بتسنيد والاكل كالتالي:

من 4 شهور ال 5 شهور
 ابداي بادخال الحبوب ذات النوع الواحد مثل الارز والشوفان والقمح (بليلة) رقائق الذرة كل ده مضروب في الخلاطمن 5شهور الي 7شهور ابداي في اطعام طفلك بالترتيب الاتي

من 5 شهور ل7 شهور 
ابداي بادخال الخضروات المهروسة او سهلة المضغ بعد غسلها جيدا مثل (الافوكادو-الكوسة-الجزر-الباذلاء-البطاطس)وذلك عن طريق سلقها ثم هرسها في الخلاط حتي تصبح طرية بما فيه الكفاية لطفلك واضيفي بعض اللبن اليها بنفس الطريقة السابقة يتم ادخال الفواكه المهروسة او سهلة المضغ بعد غسلها جيدا مثل الموز والتفاح والمشمش والكمثري وذلك عن طريق سلقها ثم هرسها في الخلاط حتي تصبح طرية بما فيه الكفاية لطفلك واضيفي بعض اللبن اليها .

من 7شهور الي 8شهور
 ابداي بادخال قطع صغيرة من الدجاج او اللحوم او الاسماك منزوعة الشوك او العدس بانواعه المختلفة كمصادر غنية بالبروتينات والحديد.

اقرا ايضا
خطر الاجهزة اللوحية
الاكل المناسب لطفلك 
الانفلونزا وكيفية الوقاية منها
اولادنا والكحة 
نصائح طبية 



من 8 شهور الي 10 شهور
  يمكنك ادخال الفواكه والخضروات المهروسة كما هي بدون الحاجة لخلطها مع اللبن او الماء
كما يمكنك ادخال صفار البيض لطفلك ويمكنك ادخال جميع انواع الجبن المبسترة وقطع صغيرة من المكرونة المطهوه .

من 10 شهور الي 12 شهر
 طفلك الان يستطيع ان ياكل كل انواع الاكل الذي تاكلين منه مع مراعاه تقطيع الاكل الي قطع صغيرة مناسبة للمضغ والبلع وتجنب اعطاء الاكلات الحاده التي ممكن ان تقف في حلق طفلك وتسبب له الاختناق كالمكسرات مثلا والجزر الناشف

طيب والفيتامينات ؟
لا حضرتك لبن الام كافي تمام لحد 6شهور ماعدا فيتامين د اضيفيه لابنك من الايام الاولي في العمر حتي سن المراهقه 400 وحدة دولية ودي موجودة في 4 نقط في دروب او 2 مل ديكال بي 12

امتا ادي ابني حديد ؟؟
اما الحديد فالطفل عنده مخزون يكفيه 6شهور بعد الشهر السابع زيادة الاكلات الغنية بالحديد مثل حبوب القمح والعدس والسبانخ وصفار البيض واللحوم او اعطاء مايعادل ربع قطارة هيروفرين او انريتش يوميا بعد الاكل عشان ميعملش امساك وهيخلي لون البراز اسود متقلقيش

طب وباقي الفيتامينات ؟؟
موجودة بنسب مختلفة في اغلب الفواكهه والخضروات

الاكل الممنوع  
السكر والملح ممنوع تماما الا بعد سنة ويمنع ايضا من السمك والبيض والمكسرات والقمح والزبادي اذا كان هناك تاريخ مرضي قوي في العائلة للاصابة بالحساسية من هذة الاصناف 
كل العصاير ممنوعة تماما قبل عمر السنه لانه غذئيا غير مفيد زائد انه بيؤدي للاصابة بالسمنه عند عمر 6 سنوات .

اعرف ازاي ابني عنده حساسية من اكل معين ؟
بصي هو مبدئيا ادخال الاكلات لازم يكون اكله لوحدها 3-5 ايام وبتبدا بمعلقة واحدة بعد كه ممكن نزود 5 معالق يوميا ونحط رشه كمون او عصرة لمون خفيفة لو الطفل رفض ولو حصل تورم وجهه او كحة او ضيق نفس او خشونة جلد نوقف ونبلغ الطبيب ولو حصل اسهال امساك مخاط دم في البراز او ترجيع نوقف ونبلغ الطبيب