أولادنا ...و الكحة ....

٣ نصايح أرجوكم يلفوا الفيس كله الليله دى  ايوا نقدر نقطع دورة حياة الفيروس المنتشر بإذن الله :

١. لو ابنك عنده العلامات دى يغيب فوراً عن المدرسه/الحضانة ،
كحة بتصحيه من النوم ، حرارة فوق ٣٨،٥ ، عطس ورشح مستمر  ترجيع ولو مرة واحده ليلا  أى طفح جلدى في الجسم او الشفاه او الفم ، أى تورم فى الغدد تحت الأذن(نكاف)
والغياب يكون اسبوع على الأقل - مفيش هزار 

٢. اطفالنا اللى تعبانين في البيت - ب ٣ جنيه نشترى قناع طبى للوجه الطفل اللى بدأ يكح يلبسه عشان ميعديش اخواته ودى مفهاش هزار او رفض حتى لو بالعافية ، لان البيت كله بيتعدى خلال ساعات والله ، نوزعهم على الاوض فوراً نشرب كوباية ينسون صبح وليل ، نمنع العاده المُجرِمة بتاعة بوس العيال من الفم فوراً ، الطفل يتعالج فوراً من الكحة قبل ما يعدى الباقى  والله المستعان .

٣. لما ابنك يبقا مش عارف ياخد نفسه وأنفه مسدوده سلكيها فوراً ومتتأخريش ومتقوليش اصلى مش عارفه لان البلغم بينزل على الصدر يبهدله حرفياً بعد كده انزلى على الصدر ،، لو بيكح ابدأى اعشابك فوراً ، لو سمعتى صفارة أو نهجان او رفض رضاعه او كحة مش بتفصل اكشفى فوراً عاوز اقول ان جهاز النيبولايز - البخار لا غنى عنه حالياً فى معظم البيوت اللى اطفالها كحتهم مطولة- لغاية ما ربنا يسهل بالفرج من الادوار اللى مش بتخلص دى ..


اقرا ايضا
خطر الاجهزة اللوحية
الاكل المناسب لطفلك 
الانفلونزا وكيفية الوقاية منها
اولادنا والكحة 
نصائح طبية 

٤. الليمون الدافئ بالعسل الابيض يوميا ضروري

٥. ممنوع لطفلك نهائيا الايس كريم والميه الساقعه وفتح التلاجة كل شوية ويقف قدامها بالدقايق

هاقولك شويه حاجات كدا ،ان شاء الله تخفف من الاعراض وحساسيه الانف والصدر...

الوقايه خير من العلاج حضرتك، ايوااا عارفها النصايح اللي بتتكتب علي ضهر كراسات ابتدائي دي يادكتور، بس وربنا مافاهمه اعمل ايه يعني، ياست الكل.. احمي العيال من التعرض لطفل مصاب، او حتي تيار برد جامد، خلاص محبكش الواد يرح عند خالته الاسبوع دا وابنها تعبان، الوقايه يامدام الوقايه 

العيال اللي بدات ترشح حلها ببساطه نسلك مناخيرها، وممكن نستخدم شفاط الانف (pump suction) ونقط الانف وممكن بخاخات ميه البحربس يادكتور دا بيقولك التسليك والتشفيط دا بيدخل علي مخ الواد، وممكن يوسع مناخيره، حضرتك الكلام دا مش صحيح خالص ولا ليه اي علاقه... بس يادكتور بنت خالتي قالتلي التسليك بمحلول الملح دا غلط . بسسسس، كدا بقي عاوزين رد من الخلوق مرتضي منصور 

الواد خلاص دخل في كحه شديده، وبينهج وسامعه صوت تزييق صدره، علي طول اعملي جلسه الفاركولين اللي انتي متعوده عليها، ولو متعرفيهاش غالبا ابنك معندوش حساسيه صدر لان امهات اطفال الحساسيه عارفينه كويس جدا، وفي اقرب وقت طبيبك يشوفه ويقيم الحاله وصلت لفين

الواد سخن ياكتور والحراره عماله تزيد، وعماله اعطي خافض حراره ومفيش نتيجه، بتعطي كم سم يامدام، كم سنتي ايه يادكتور، دا بعطيله شويه كدا بالمعلقه، وبرضوا مبيخفش ولا حرارته بتنزل، ماهو لما يكون وزنه 25كيلوا وانا بعطيله 3سم مثلا يبقي لو فضلتي جمبه 13سنه، برضوا حرارته مش هاتنزل، اعرفي خافض الحراره وجرعته حسب وزن طفلك ....

طيب يعني يادكتور لو بعطيله خافض الحراره، وبتنزل بس بترجع تاني، اعطيله مضاد حيوي، اصل جارتى جابته لابنها من الصيدليه والواد خف تاني يوم، والله يامدام ربنا سترها معاه والعمليه عدت علي خير، لكن اكيد حضرتك عارفه ان المضاد الحيوي غلط من دماغك كدا لان كل مرض له علاج مختلف عن التانى معاكي خوافض الحراره والمحلول الملحي زي اوتروفين بيبي سالين، كل الحاجات البسيطه دي ممكن تخفف الاعراض البسيطه، وكمان الجلسات للاطفال اللي عندهم حساسيه صدر برضوا هاتخفف الامور كتير

والكل لازم باخد كورس المناعة وهو مصل الانفلونزا الموسمي بس للأسف لسه منزلش مصر و الفيدروب نقط ٦ نقط لمدة ٦شهور و اميوجارد كيس يوميا لمده شهر او اتنبن على حسب حاله الطفل وكمان البرونكوفاكسون للاطفال اللى بتتعب كتيروعلي فكرة كورس المناعة ده من عمر ٦شهور

شرب السوايل الدافيه مهم جداً جداً، العيال بجد اللي عندها كحه ورشح بتتحسن بنسبه كبيره مع شرب السوائل المتنوعه،وكمان اللمون وعصير البرتقال، والجوافه واليوسفي، وياسلام لو شويه عسل نحل يبقي عملتي الصح مع العيال وبارك الله في ما رزق،