نصائح طبية للوقاية من الامراض

متنساش تبدى يومك بكوب من الماء الدافئ ويعقبها ملعقة كبيرة من العسل والماء الدافئ هيغسل جهازك الهضمى و ينضف الكبد من معركة الشوارد الحرة اللى اتكونت طول الليل أثناء نومك والعسل ياعسل هينشط الكبد و يغسله ويغسل معدتك ويظبط سكرك عشان تفوق .
لو منعوس ولا بردان القهوة مع البرتقانة القهوة هتنشط الغدة الكظرية والبرتقانة هتصحى غدتك الدرقية فتدفى وتبطل كسل البطانية .
شير لغيرك وقوله فطارك لايخلو من الماء الدافئ ملعقة العسل كوب القهوة والبرتقانة .

تخلص من مشاكل القاولون والمعدة عندك

- عشان تقدر ان انت تساعد المعده عشان تهضم الاكل لازم تمضغ الاكل 30 مضغه قبل البلع .
- الارتجاع (الحموضه ) هو قله في حمض المعده مش زياده في الحمض .
- المعده لو محترمتهاش ممكن تعملك بهاق .
- البنجر يعالج الاترجاع والحموضه قبل الاكل .
- اوعي تستاصل المراره لان ليها فوائد كتير اوي.

علاج الامساك

فى علاج الإمساك
شوف انا بكره استخدام شاى الريجيم ولا السلامكة ولا السنامكى ولا اى طريقة ملينة بتشد الميه من الجسم و بتعمل اسهال .
اتفقنا سابقا ان الإمساك من أعراض جفاف الكليتين والجسم عامة وان مريض الإمساك لازم وحتما ولابد يشرب كميات كبيرة من الميه يوميا أكثر من ليتر ونص يوميا وبما ان كما شرحنا سابقا الكلى اما مبتلاقيش ميه بتجيب الميه من القولون فإستخدامك الأدوية الملينة دى بتضعف الكلى أكثر .

الملينات زى شاى الريجيم بغض النظر إنها بتزود المحتوى المائى للفضلات إلا إنها بتعمل بلوة تانية عظيمة بتفقد جسمك كل المعادن والأملاح زى الكالسيوم والماغنسيوم والبوتاسيوم ولو فيه مريض قلب ماشى على اللانوكسين وخد معاه ملين هتترحم عليه لان البوتاسيوم روح القلب هيكون نزل بالفضلات .
يبقى الهدف علاج الإمساك بدون ملينات والتوصيات الطبية بتحذرك لو هتستخدم الملينات ميكونش أكثر من أسبوعين متتالين أرجوك متلعبش بكهربة قلبك .

الحل الجذرى للإمساك هوه الإهتمام بشرب كميات وفيرة من المياه مع أكل الأكلات ذات المحتوى العالى من الألياف و الزيوت النباتية المفيدة زى زيت الزيتون .
مع الوصفة الجميلة دى :
نص ملعقة صغيرة زنجبيل مطحون
ملعقة صغيرة مم الشمر
ملعقة كبيرة عسل نحل
الزنجبيل و الشمر بينشطو الدورة الدموية الطرفية للقولون فبيساعدو جدا على نشاط العضلات وعلاج الإمساك .

فوائد عشبة الجنسنج، تعرف على 10 فوائد مدهشة

من اهم ومن اشهر النباتات الطبيه علي الاطلاق مين مننا ميعرفش الجنسنج مشهور جدا في الصين مشهور جدا في كوريا مشهور جدا في الدول العربيه الجنسنج في منه انواع كتير
طيب الجينسنج ده بيعالج 321 مرض
1 - الاكتئاب
2- الاجهاد المزمن والضعف العام
3- ضعف الذاكره
4- جفاف العين
5- ضعف حركه وعدد الحيوانات المنويه لو واحد عنده ضعف في الخصوبه
6- الميكروب الحلزوني بتاع المعده والمسبب في قرحه المعده
.7- الخشونه
8- الانيميا
9- الكبد الدهني
10- ضعف المبايض

اقرا ايضا
خطر الاجهزة اللوحية
الاكل المناسب لطفلك
الانفلونزا وكيفية الوقاية منها
اولادنا والكحة
نصائح طبية

القرفة قم اشرب كوب حالا
أنا عشت فترة فى حياتى ليست بالقليلة فى دول الإتحاد السوفيتى السابق و زى دلوقتى متوسط درجة الحرارة سالب ١٠ صحيح كنا بندرس فى الفسيولجى انا ربنا بيكيف غددهم الدرقية على البرد ولكن هؤلاء الناس خبراء فى التعامل مع البرد و أمراضه تعال أقولك على أسرار التعايش مع البرد من خبرائه :-
١- مينفعش تقطع البصل والثوم ابدا ابدا يوميا فى أكلك حدك الأدنى نص بصلة صغيرة فى الفطار و ياسلام لو هتحط الثوم مع البصل فى شوربة العدس اللى هيه اصلا اختراعهم و نقلها عنهم الأتراك .
٢- الأسماك كل أسماك كتير مليانة باليود اللى هتدعم الغدة الدرقية هتدفيك وهتدفى جسمك .
٣- أوعى تتنازل أبدا عن بنطلون محمد أبو سويلم فى فيلم الأرض دا مهم جدا جدا جدا تحت بنطلونك .
٤- القرفة مبيعديش عليهم أبدا يوم إلا كوب القرفة السيلانى بالعسل عشان يدفو جسمهم .
٥- الزنجبيل محشور فى كل الأكل و الشرب .
٦- الشطة بجميع أنواعها صوص و توابل وشرب وأكل ولكن لو عندك بواسير بلاش افتكر انى قلتلك بلاش .
٧- اتشمس بأى طريقة ألحق اللى تلحقه من الشمس لو ربع ساعة حتى فى اليوم وياسلام لو دراعك لمس أشعة الشمس .
٨- الموالح مش عاوز أقولكم مبيتقطعش البرتقال ولا اليوسفى من بيوتهم عشان محتواه العالى من فيتامين سى اللى هوه طبقا للدراسات بيرفع كفاءه الغدة الدرقية ٣٠٪؜ المسئولة عن إنتاج الحرارة فى جسمك .

القرنفل وزيته
شوف القرنفل ده نبات عجيب من طبعه ان يخدر و يطهر المكان اللى بيعدى عليه يعنى زيته بيتحط على اللثة الوارمة فيطهرها ويخدرها دا غير انك لو حطيته تحت اللسان بيخدر الأعصاب المسئولة عن القيئ والغثيان فينفع للعيال الصغيرة والكبار اللى كل مابيسافرو هوايتهم المفضلة الترجيع فى العربية ولو شربته بيخدر أعصاب المعدة الملتهبة فيمنع إرتجاع المرئ ولو عندك إلتهاب بعضلات ظهرك ادهن زيته هيخدرلك الألام ويعالجها وأخيرا بتدهن بيه قبل المزاولة بنص ساعه بيخليك تتحكم فى الوقت وامن تماما .
ياريت تعرف الكل فوايد القرنفل وزيته دى نباتات بسيطة لاغنى عنها بأى بيت .
دمتم بصحة

معجزات العلاج بالليمون مينفعش متعرفش إنه :
١- بيخسسك : الدراسات اللى اتعملت عن الليمون بتوضح انه بيخسس بشقين الشق الأول لو كلت الليمونة على بعضها فيها ألياف بتمنع دهون الأكل إنها تمتص والشق التانى فيه مواد فعالة فى زيت القشرة الطيار بتحارب الدهون و بتعلى الحرق .
٢- بينضف كليتك من الأملاح :-
مغص ووجع الجنب و الإلتهابات اللى بتعملها أملاح الكلى مزعج جدا ومع الوقت الإلتهاب المزمن ده ممكن يقلب بإرتفاع صغط الدم ليمونة فى اليوم بتنضف وياسلام لو على كوب شعير .
٣- مفيش أنيميا خدودك منورة مفيش خفقان قلب مفيش دوخة :
عشان يحصل إمتصاص للحديد محتاج فيتامين الليمون فيتامين سى طب تعرف الليمون فيه حديد كمان .
٤- مفيش كسل :
من رأيى دى من أهم النقط عاوز تصحى حد من النوم شربه ليمون اه والله بيفوق وياسلام لو ليمون بالعسل الصبح ياسلام .
٥- بيقوى العظم عشان بيقوى المعدة على هضم وإمتصاص الكالسيوم .
٦- مفيش لوز عند العيل ولا إحتقان حلق شربه أول مايقوم وأنت بتصحيه ليمون بالعسل .
شير لغيرك والله دا صيدلية ربانية ميعرفش قيمتها ناس كتير كفاية لو شربته كل يوم صباحا نشاط جم مناعة قوية .

الصفحات

نمبر وان

نصائح طبية للوقاية من الامراض